No conxunto da baleeira de Massó en Cangas pódense diferénciar os cinco elementos arquitectónicos seguintes:

- Nave de tallado: en orixe, unha simple plataforma feita de pedra, duns 70x20 metros, forrada de madeira para facilitar o arrastre das capturas e as súas talladas. A finais da década de 1970, a plataforma foi cuberta con armaduras de cemento pretensado e pranchas de fibrocemento e tapiada, ata media altura con bloques de cemento e, de aí para arriba, con pranchas de fibrocemento. A altura desta nave é de arredor dos 10-12m. Esta mesma reforma incluiu, no fondo do espazo, a separación dun cuarto, elevado uns 70 cm, cunha mesa-plataforma, duns 3x10 m e 60cm de alto, para o esnaquizamento das graxas e restos de segunda calidade; este cuarto e a mesa-plataforma están conectados co espazo principal por ramplas. A nave de tallado prolóngas ate o mar cunha rampla duns 15 x 40 m, en orixe tamén forrada da madeira, despois pavimentada de cemento.

- Conxunto oriental de tres naves: no extremo leste, dispóñense un conxunto de tres naves duns 7x21 cada unha, e unha altura duns 10 metros . Están as tres sostidas con estrutura de formigón armado de 30cm de grosor, sobre o que erixiu unha teitume feita con armaduras de madeira ao xeito tradicional, pero cuberto con fibrocemento; as paredes exteriores son de blocos de formigón. Nestas naves era onde se traballaba a carne e graxa de primeira calidade, e é aquí onde estaban as mesas onde traballaban as mulleres o miudo da carne e graxa, e o cuarto onde se conservaba a carne en xeo, ademais de outras dependencias como os aseos e a forxa. Neste conxunto, na nave inmediata a plataforma de tallado, había un corpo de dúas alturas, que albergaba a maquinaria para fundir a graxa.

- Conxunto occidental de dúas naves: no extremo oeste, eríxese un conxunto de dúas naves duns 35x5.5 m. e semellantes técnicas constructivas ao anterior. Na nave pegada a nave de tallado sobresae un corpo de dúas alturas no que obtiñan as graxas de segunda e calcinaban os demais restos dos animais. Nesta nave, na parte dunha altura, atópase a balsa de decantado da graxa, duns 240 m2, e cando menos 3-4 m de profundidade.

- Ghalpón. No recuncho noroeste (onde anteriormente estaba a caseta da maquina de vapor) atópase unha pequena nave de 65 m2 que ten anexa a chimenea de ladrillo.

- Explanada norte, por onde se accedia as diversas partes e se alamacenaban os barris de aceite.